........

ژیـار

هه‌ندێ‌ له‌ میدیاكان ئاماژه‌ به‌دروست بوونی‌ ڕه‌وتێك له‌ ناو یه‌كگر تووی‌ ئیسلامی‌ كوردستان ده‌كه‌ن و ئه‌ندامیكی‌ مه‌كته‌بی‌ سیاسی‌ ئه‌و حیزبه‌ش دروست بوونی‌ ره‌وت له‌ ناو حزبه‌ ره‌تده‌كاته‌وه‌ناره‌زایی‌ هه‌ندێ‌ كه‌س به‌ره‌وت دانانێت.
مه‌ولود باوه‌مراد ئه‌ندامی‌ مه‌كته‌بی‌ سیاسی‌  یه‌كگرتوووی‌ ئیسلامی‌ كوردستان ئه‌مڕۆ 31/8 به‌كۆمه‌ڵنیووزی‌ راگه‌یاند” من وه‌كو خۆم ئاگاداری‌ دروست بوونی‌ هیچ ڕه‌و تێك نیم  به‌و شێوه‌ گه‌وره‌یه‌ی‌ میدیایه‌كان باسیان لێ‌ وه‌كردوه‌، به‌ڵام ناره‌زای‌ هه‌ندێ‌ كه‌س و بگره‌  سه‌د كه‌سیش  ، له‌ئاستی‌ خواره‌وه‌  به‌بێ‌ ئه‌وه‌ی‌ سه‌ركرده‌یه‌كی‌ مه‌یدانی‌ سه‌رپه‌رشتی‌ بكات نابێت به‌ڕه‌وت ، بۆیه‌ هه‌واڵێكی‌ له‌و جۆره‌ به‌ دوور ده‌زانم”
كۆمه‌ڵنیووز

............

ژیــــــــار

وه‌فدێكی‌ عه‌شره‌ته‌ عه‌ره‌به‌كانی‌ كه‌ركوك‌و دبس‌و ده‌وروبه‌ری، له‌ دیمانه‌یه‌كیاندا له‌گه‌ڵ‌ سه‌رۆكی‌ په‌رله‌مانی‌ كوردستان، یه‌كشه‌ممه‌، جه‌ختیانكرد له‌سه‌ر په‌یوه‌ندی‌ برایه‌تی‌ نێوان پێكهاته‌ی‌ پارێزگاكه‌و پشتیوانی‌ خۆیان بۆ ده‌ستوری‌ عیراق‌و جێبه‌جێكردنی‌ ماده‌ی‌ 140 ده‌ربڕی‌ وه‌ك چاره‌سه‌رێك بۆ چاره‌سه‌رێ:ی‌ ئاشتییانه‌ی‌ گرفته‌كانی‌ ناوچه‌ دابڕاوه‌كان، به‌پێی به‌یانێكی‌ په‌رله‌مانی‌ كوردستان.
له‌ به‌یانه‌كه‌دا كه‌ ئه‌سوات سه‌یری‌ كردووه‌، هاتووه‌ كه‌ سرۆكی‌ په‌رله‌مان د. كه‌مال كه‌ركوكی‌ “پاشنیوه‌ڕۆی‌ ئه‌مڕۆ (یه‌كشه‌ممه‌) پێشوازییكرد له‌ وه‌فدێكی‌ عه‌شره‌ته‌ عه‌ره‌به‌كانی‌ كه‌ركوك‌و قه‌زای‌ دبس (35كم باكوری‌ پارێزگاكه‌)و ده‌وروبه‌ری‌ به‌ بۆنه‌ی‌ وه‌رگرتنی‌ پۆسته‌كه‌یه‌وه‌ وه‌ك سه‌رۆكی‌ په‌رله‌مانی‌ كوردستان” ئه‌ندامانی‌ وه‌فده‌كه‌ “خۆشحاڵی خۆیان ده‌ربڕی‌ به‌وه‌ی‌ كه‌ركوكییه‌ك بووه‌ به‌ سه‌رۆكی‌ په‌رله‌مانی‌ كوردستان.”
به‌یانه‌كه‌ ئاماژه‌ی‌ كرد بۆ ئه‌وه‌ی‌ كه‌ ئه‌ندامانی‌ وه‌فده‌كه‌ “جه‌ختیانكرد له‌سه‌ر په‌یوه‌ندی برایه‌تی‌ له‌مێژینه‌ی‌ نێوان كوردو عه‌ره‌ب‌و پێكهاته‌كانی‌ تری‌ كه‌ركوك‌و پشتیوانی‌ خۆیان بۆ ده‌ستوری‌ هه‌میشه‌یی عیراق‌و جێبه‌جێكردنی‌ ماده‌ی‌ 140 له‌پێناوی‌ چاره‌سه‌ری‌ ئاشتییانه‌ی‌ ناوچه‌ دابڕاوه‌كان‌و دابینكردنی‌ ده‌رفه‌ت بۆ نه‌وه‌ ره‌سه‌نه‌كانی‌ ئه‌و ناوچه‌یه‌ تا بڕیار له‌سه‌ر چاره‌نوسی‌ ئیداری‌ ناوچه‌كانیان بده‌ن.” به‌پێی به‌یانه‌كه‌.
به‌پێی به‌یانه‌كه‌، كه‌ركوكی‌ “هه‌ڵوێستی‌ ئه‌ندامانی‌ وه‌فده‌كه‌ به‌رامبه‌ری‌ پاراستنی‌ گیانی‌ برایه‌تی‌‌و پێكه‌وه‌یی نێوان پێكهاته‌كانی‌ كه‌ركوك‌و ده‌وروبه‌ری‌ نرخاندووه‌و هیوای‌ سه‌ركه‌وتنی‌ بۆ خواستوون.”

له‌ ئه‌سوات عیراقه‌وه‌

.........

ژیــــــــار

راوێژكارێكی‌ راگه‌یاندن له‌ هێزه‌كانی‌ ئه‌مریكا، رۆژی‌ یه‌كشه‌ممه‌، رایگه‌یاند كه‌ نیازوایه‌ زیندانی‌ بۆكا كه‌ له‌شاری‌ به‌سره‌یه‌ به‌هۆی‌ ئه‌وه‌ی‌ ژماره‌ی‌ ده‌ستگیركراوه‌كان تێیدا كه‌مبۆته‌وه‌ دابخرێـت، روونیشیكرده‌وه‌ كه‌ له‌ ئێستادا ته‌نها 8950 ده‌ستگیركراو لای‌ هێزه‌كانیان ماون.
كه‌ریم سه‌یاب كه‌ راوێژكاری‌ هێزی‌ 134ی‌ ئه‌مریكای تایبه‌ت به‌م زیندانیه‌ به‌ ئاژانسی‌(ئه‌سوات ئه‌لعێراق)ی‌ وت “ژماره‌ی‌ ده‌ستگیركراوه‌كان له‌ زیندانه‌كانی‌ بۆكا‌و كرۆبه‌ر‌و تاجی‌ كه‌مبۆته‌وه‌ بۆ 8950 كه‌س، دوای‌ ئه‌وه‌ی‌ له‌گه‌ڵ جێبه‌جێكردنی‌ رێكه‌وتننامه‌ ئه‌منییه‌كه‌ی‌ نێوان عێراق‌و ئه‌مریكا ژماره‌یه‌كی‌ زۆریان ئازادكران”.
وتیشی‌ “ئیداره‌ی‌ هێزه‌كانی‌ ئه‌مریكا له‌ عێراق له‌چه‌ند رۆژی‌ داهاتوودا زیندانی‌ بۆكا داده‌خات‌و ده‌ستگیركراوه‌كانیشی‌ ده‌گوازێته‌وه‌ بۆ زیندانه‌كانی‌ كرۆبه‌ر‌و تاجی‌ له‌ به‌غدا”.
سه‌یاب ئه‌وه‌ی‌ ره‌تكرده‌وه‌ كه‌ “ده‌ستگیركراوی‌ ئافره‌ت له‌ زیندانه‌ ئه‌مریكییه‌كانی‌ ناو عێراقدا هه‌بێت”. به‌ڵا/ ئاماژه‌یدا به‌وه‌ی‌ كه‌ دوو له‌ ده‌ستگیركراوه‌كان ته‌مه‌نیان له‌ خوار 18 ساڵییه‌وه‌یه‌‌و 22ی‌ دیكه‌شیان هه‌ڵگری‌ ره‌گه‌زنامه‌ی‌ عه‌ره‌بی‌‌و بیانین”.
ناوبراو ئه‌وه‌شی‌ وت كه‌ “پرۆسه‌ی‌ ئازادكردنی‌ ده‌ستگیركراوه‌كان به‌رده‌وامه‌ به‌شێوه‌یه‌ك كه‌ له‌هه‌ر مانگێكدا 750 ده‌ستگیركراو ئازاد ده‌كرێن،واته‌ رۆژانه‌ 25 كه‌س”.
وتیشی‌ “بۆ ئازادكردنی‌ ده‌ستگیركراوه‌كان پشتده‌به‌سترێت به‌ دادگا عێراقییه‌كان كه‌ پێویسته‌ ده‌ستگیركراوه‌كان له‌لایه‌ن ده‌سه‌ڵاتی‌ دادوه‌رییه‌وه‌ داواكراو نه‌بن”.

له‌ ئه‌سوات عیراقه‌وه‌

..................

ژیــــــــار

دوای‌ ئه‌وه‌ی‌ پارێزگاری‌ سلێمانی‌ له‌ 19\8دا و له‌ به‌یانێكدا, به‌ بۆنه‌ی‌ هاتنی‌ مانگی‌ ره‌مه‌زانی‌ پیرۆزه‌وه‌ مۆله‌تی‌ به‌هه‌موو مه‌یخانه‌و باڕه‌كان دابوو كه‌ له‌ شه‌واندا كراوه‌بن و هه‌موو خواردن و خواردنه‌وه‌یه‌ك به‌ بی‌ مۆڵه‌ت كراوه‌بن, و شوێنی‌ فرۆشتنی‌ مه‌یو مه‌یخانه‌كانیش ڕێگریان لێ‌ نه‌كرابوو .
ئه‌وه‌ ‌بوه‌ هۆی‌ بێزاری‌ موسڵمانانی‌ سلیمانی‌ و كوردستان, بۆ ئه‌و مه‌به‌سته‌ ئه‌مڕۆ 30\8, له‌ كۆبونه‌وه‌ی‌ ژماره‌یه‌ك له‌ ئه‌ندامانی‌ ئه‌نجومه‌نی‌ پارێزگا له‌گه‌ڵ پارێزگاری‌ سلیمانی‌دا تاوتوێی‌ ئه‌و به‌یانامه‌یه‌كرا كه‌ نیگه‌رانی‌ زۆری‌ له‌ لای‌ هاوڵاتیانی‌ سلیمانی‌ دروستكردوه‌ .
له‌ په‌یوه‌ندیه‌كی‌ ته‌له‌فونیدا ئه‌نوه‌ر سه‌نگاوی‌ لێپرسراوی‌ كوتله‌ی‌ كۆمه‌ڵی‌ ئیسلامی‌ له‌ نجومه‌نی‌ پارێزگای‌ سلیمانی‌ و لێپرسراوی‌ لیژنه‌ی‌ ئاینی‌, پێی‌ راگه‌یاندین “له‌ كۆبونه‌وه‌ی‌ ئه‌مرۆماندا بریاردرا به‌هه‌موو شێوه‌یه‌ك مه‌یخانه‌كانی‌ شاری‌ سلیمانی‌ دابخرێن و بۆ چۆنیه‌تی‌ كردنه‌وه‌ی‌ چێشتخانه‌كانیش رۆژی‌ سێشه‌ممه‌ كۆبونه‌وه‌یه‌ك ده‌كرێت بۆ ئه‌وه‌ی‌ چاره‌سه‌ری‌ ئه‌و كێشه‌یه‌ش بكه‌ین .”

كۆمه‌ڵنیووز

............

كه‌ناڵی‌ ( سی ئێن ئێن ) ی‌ نێوده‌وڵه‌تی‌ پۆزشه‌ هێنایه‌وه‌ بۆ توركه‌ نیشته‌جێكانی‌ ویلایه‌ته‌ یه‌كگرتووه‌كانی‌ ئه‌مه‌ریكا دوای‌ ئه‌وه‌ی‌ له‌شاشه‌كه‌یه‌وه‌ نه‌خشه‌یه‌كی‌ پیشاندا كه‌ده‌وڵه‌تی‌ كوردستانی‌ دیاری‌ كردبوو له‌چوارچێوه‌ی‌ سنوری‌ توركیادا .
كه‌ناڵی‌ سی ئێن ئێنی‌ له‌یه‌كێك له‌به‌رنامه‌كانیدا له‌ ویلایه‌ته‌ یه‌كگرتووه‌كانی‌ ئه‌مه‌ریكادا له‌ 12 / 8 كامبل براون نه‌خشه‌یه‌كی‌ ڕونكردنه‌وه‌ی‌ ده‌وڵه‌تی‌ كوردستانی‌ پیشاندا وه‌كو گریمانه‌یه‌ك كه‌چه‌ن به‌شێكی‌ خاكی‌ توركیاو عێراق و ئێرانی‌ ده‌گرته‌وه‌ .
دوای‌ ئه‌وه‌ یه‌كسه‌ر توركه‌ نیشته‌جێكانی‌ ئه‌مه‌ریكا ده‌سیاندایه‌ ده‌ربڕینی‌ ناڕه‌زایی‌ دژی‌ بڵاوكرنه‌وه‌ی‌ ئه‌و نه‌خشه‌یه‌ و سكاڵایان ئاڕاسته‌ی‌ لایه‌نه‌به‌رپرسه‌كان كرد له‌به‌ فاكس و نامه‌ی‌ ئه‌لكترۆنی‌ و په‌یوه‌ندی‌ ته‌له‌فۆنی‌ ، له‌به‌رامبه‌ر ئه‌م هه‌ڵمه‌تی‌ ناڕه‌زاییه‌ ( كامبڵ‌ براوم ) پێشكه‌شكاری‌ به‌رنامه‌كه‌ له‌ئه‌ڵقه‌ی‌ دوێنێیدا پۆزشی‌ خۆی‌ ڕاگه‌یاند و له‌و هه‌ڵه‌یه‌ ، و وتی‌ ” ئه‌مانه‌وێت ئه‌و هه‌ڵه‌یه‌ ڕاستبكه‌ینه‌وه‌ كه‌ له‌ ئه‌ڵقه‌ی‌ ڕۆژی‌ هه‌ینی‌ ڕابردووی‌ به‌رنامه‌كه‌ماندا كه‌نه‌خشه‌ی‌ كوردستانمان پێشكه‌شكردن له‌به‌رنامه‌كه‌داو بۆمان ڕونكردنه‌وه‌ له‌و نه‌خشه‌یه‌ ده‌وڵه‌تێك هه‌یه‌ ناوی‌ كوردستانه‌ ، ئاماژه‌مان كرد ده‌كه‌وێته‌ ناوچه‌یه‌كه‌وه‌ به‌شێك له‌خاكی‌ توركیاو عێراق و ئێران ده‌گرێته‌وه‌ ، له‌ ڕاستیدا هه‌رچه‌نده‌ ژماره‌یه‌كی‌ زۆری‌ كورد له‌و ناوچانه‌ ده‌ژین به‌ڵام ده‌وڵه‌تێك نییه‌ له‌و ناوچه‌یه‌ به‌ناوی‌ كوردستان ، بۆیه‌ داوای‌ لێبوردن ده‌كه‌ین له‌و هه‌ڵه‌یه‌ ” .
و /هه‌ورامان نعمه‌ت
اخبار العالم

........

ژیـــــــــــار

ماڵپه‌ڕی ‌زانای‌ هه‌ڵكه‌وته‌‌و پایه‌به‌رزی‌ كورد (پرۆفیسۆر دكتۆر موسته‌فا زه‌ڵمی)‌ به‌ مه‌به‌ستی‌ بڵاوكردنه‌وه‌ی‌ كتێب و بیروراكانی‌ كرایه‌وه‌.
موئمين زةلَمى لةمبارةوة بؤ جودى نيوز رِايطةياند” داوا له‌ هه‌موو به‌ڕێزان ده‌كه‌ین كه‌ ده‌توانن به‌ ڕه‌خنه‌‌و پێشنیاره‌كانیان ماڵپه‌ره‌كه‌ پێش بخه‌ن‌و هه‌ر به‌ڕێزێكیش وێنه‌ یان دیمانه‌یه‌كی‌ ناوبراوی‌ لایه‌ به‌ تایبه‌ت ڕۆژنامه‌نوسه خۆشه‌ویسته‌كان، ئه‌وا به‌ دڵنیاییه‌وه‌ ئێمه‌ له‌ خزمه‌تیاندا ئه‌بین بۆ بڵاوكردنه‌وه‌ی‌.”
. شیاوی‌ باسه‌ ماڵپه‌ری‌ پڕۆفیسۆر زه‌ڵمی‌ به‌ هه‌ر سێ‌ زمانی‌ (كوردی‌، عه‌ره‌بی‌، ئینگلیزی‌)‌و به‌ خه‌رمانێك به‌رهه‌می‌ ناوبراوه‌وه‌ ئێستا له‌ كاردایه‌….
• بۆ بینینی‌ ماڵپه‌ره‌كه‌ كلیكی‌ ئه‌م لینكه‌ بكه‌‌( www.zalmi.org ) و زمانی‌ ئاره‌زوومه‌ندی‌ خۆت هه‌ڵبژێره‌….
• بۆ گه‌یاندنی‌ سه‌رنج‌و تێبینیه‌كانتان په‌یوه‌ندی بكه‌ن به‌ هه‌ردوو ئیمه‌یلی‌:
mumin_985@yahoo.com
zalmi2009@yahoo.com

ژیـــــــــــار
هه‌میشه‌ خورما خواردنێكی‌ سه‌ره‌كی‌ سه‌ر سفره‌و خوانی‌ ڕه‌مه‌زان  بووه‌, خواستی‌ له‌سه‌ره‌و هه‌موو ئه‌ندامانی‌ خێزان له‌ سه‌ر سفره‌ ده‌ستی‌ بۆده‌كێشن و لێی‌ ده‌خۆن بۆیه‌ ئه‌مه‌ وای‌ كردوه‌ له‌ كاتی‌ هاتنی‌ ره‌مه‌زان و له‌ میانی‌ مانگه‌كه‌دا فرۆشی‌ چه‌ند قات ببێته‌وه‌, ئه‌مه‌ش هانی‌ دوكانه‌كانی‌ خورما فرۆشتنی‌ داوه‌ جۆره‌ها هونه‌ر به‌كار بهێنن له‌ خستنه‌ رووی‌ خورماو جۆره‌كانی‌ به‌شێوه‌یه‌ك له‌ناو پاكه‌ت یان رازاندنه‌وه‌ی‌ ده‌نكه‌خورماكه‌ خۆی‌ یان به‌ شێوه‌ی‌ شكولاته‌ و چه‌ره‌ساتی‌ تی‌چ ده‌كه‌ن له‌ بری‌ ناوكه‌كه‌ی‌ بۆیه‌ خورما وه‌كو بوكێك ده‌رده‌كه‌وێت له‌سفره‌ی‌ ره‌مه‌زاندا.
مه‌حمود سوجاعی‌ به‌رپرسی‌ فرۆشتن و خستنه‌بازاڕ له‌ كۆمپانیای‌ (تمور), ده‌ڵێت”خورما خامی‌ سه‌ره‌كیه‌ له‌هه‌موو ئه‌و حه‌له‌ویات و خواردنه‌وه‌كان كه‌ ده‌فرۆشرێت له‌ مانگی‌ ره‌مه‌زاندا, به‌شی‌ خستنه‌ بازار له‌ كۆمپانیه‌اكه‌مان هه‌ڵساون به‌دانانی‌ كۆمه‌ڵێ‌ بیرۆكه‌ی‌ نوێ‌ بۆ چۆنیه‌تی‌ رازاندنه‌وه‌ی‌ خورما و داهێنانی‌ شێوازی‌ تر, گرینگترین شێوازیان (سه‌لاله‌)یه‌, كه‌له‌ دروستكردنیدا چه‌ندین ماده‌ی‌ وه‌كو شوشه‌وسلڤه‌رو دار به‌قه‌باره‌ی‌ جۆراو جۆر دروست ده‌كه‌ین له‌به‌ر ئه‌وه‌ی‌ خواسته‌كان جیاوازن له‌مانگی‌ ره‌مه‌زان هه‌ندێ‌ فه‌رمانگه‌ودامه‌زراوه‌ داوای‌ پاكه‌تی‌ بچووك ده‌كه‌ن بۆ دابه‌ش كردن به‌سه‌ر كارمه‌نده‌كانیان وه‌كو پیرۆزبایی‌ به‌بۆنه‌ی‌ هاتنی‌ مانگی‌ ڕه‌مه‌زان هه‌روه‌ك پاكه‌تی‌ گه‌وره‌ش دروستده‌كه‌ین بۆ كڕیاره‌كانمان
هه‌روه‌ها سوجاعی‌ وتی‌99%فۆشه‌كانمان له‌مانگی‌ ڕه‌مه‌زان دا سه‌رباری‌ دۆشاوی‌ خورماو موره‌بای‌ خورماو  ئه‌وه‌ی‌ كڕیاری‌ خورمای‌ زۆركردوه‌ دابین كردنی‌ خورمایه‌ به‌شكولاته‌ی‌ فه‌ره‌نسی‌ و به‌لجیكی‌ له‌به‌رامبه‌ردا هه‌ندێكیش هه‌ن حه‌زناكه‌ن له‌خورمای‌ داپۆشراو.

و/هه‌ورامان نعمه‌ت
الخلیج

...............

سه‌رۆكی لیستی كوردستانی له‌ په‌رله‌مانی‌ كوردستان، یه‌كشه‌ممه‌، رایگه‌یاند ئه‌و په‌رله‌مانتارانه‌ی له‌ دانیشتنی‌ یه‌كه‌می‌ په‌رله‌ماندا سوێندی یاساییان نه‌خواردووه‌ له‌ دانیشتنی‌ داهاتوودا له‌ رێگای فراكسیۆنه‌كانیانه‌وه‌ ده‌ست له‌كار ده‌كێشنه‌وه‌.
سۆزان خاڵه‌شه‌هاب به‌ ئاژانسی(ئه‌سوات ئه‌لعیراق)ی راگه‌یاند “ئه‌و په‌رله‌مانتارانه‌ی كه‌ له‌یه‌كه‌م دانیشتنی په‌رله‌ماندا سوێندی یاساییان نه‌خواردووه‌،یاخود له‌كابینه‌ی نوێی حكومه‌تی هه‌رێمدا كارده‌كه‌ن، له‌ دانیشتنی‌ داهاتوودا له‌ رێگای فراكسیۆنه‌كانیانه‌وه‌ داوای‌ ده‌ستله‌كاركێشانه‌وه‌ی‌ خۆیان پێشكه‌ش به‌ سه‌رۆكایه‌تیی‌ په‌رله‌مان ده‌كه‌ن”.
ده‌رباره‌ی‌ راوێژكردنی‌ لیستی‌ كوردستانی‌ له‌گه‌ڵ لیسته‌كانی‌ دیكه‌ی‌ نێو په‌رله‌مان بۆ پێكهێنانی‌ كابینه‌ی نوێی حكومه‌ت، ناوبراو وتی”دوای ده‌ستنیشانكردنی له‌لایه‌ن په‌رله‌مان و راسپاردنی له‌لایه‌ن سه‌رۆكی هه‌رێمه‌وه‌، سه‌رۆك وه‌زیرانی راسپرێرداو له‌گه‌ڵ لیسته‌كانی نێو په‌رله‌مان كۆده‌بێته‌وه‌ بۆ ئه‌وه‌ی به‌شداری له‌كابینه‌ی شه‌شدا بكه‌ن”.
له‌ دوای‌ هه‌ڵبژاردنی‌ 25ی‌ ته‌موز، په‌رله‌مانی‌ نوێی‌ كوردستان له‌ 20ی‌ ئه‌م مانگه‌دا كۆبوه‌وه‌‌و ئه‌ندامانی‌ نوێ‌ سوێندی‌ یاساییان خوارد، دوێنێش شێروان حه‌یده‌ری‌ له‌ لیستی‌ كوردستانی‌ رایگه‌یاند كه‌ پشوی‌ په‌رله‌مان له‌ ناوه‌ڕاستی‌ ئه‌م هه‌فته‌یه‌دا كۆتایی‌ دێت‌و هه‌ر له‌م هه‌فته‌یه‌دا دانیشتنه‌كان ده‌ستپێده‌كاته‌وه‌.

له‌ ئه‌سوات عێراقه‌وه‌

........

سه‌رۆك كۆماری‌ عێراق جه‌لال تاڵه‌بانی‌، رۆژی‌ شه‌ممه‌، له‌ كۆبونه‌وه‌یه‌كیدا له‌گه‌ڵ نێردراوی‌ حكومه‌تی‌ توركیا له‌ به‌غدا ته‌ئكیدی‌ له‌ زه‌روره‌تی‌ پته‌وكردنی‌ په‌یوه‌ندییه‌كانی‌ نێوان عێراق‌و توركیا كرده‌وه‌، به‌ پێی‌ به‌یاننامه‌یه‌كی‌ سه‌رۆكایه‌تی‌.
به‌ یاننامه‌كه‌ كۆپییه‌كی‌ نێردراوه‌ بۆ ئاژانسی‌(ئه‌سوات ئه‌لعێراق)‌و تێیدا هاتووه‌ كه‌ “تاڵه‌بانی‌ ئه‌مڕۆ(شه‌ممه‌)، له‌ شاری‌ به‌غدا چاویكه‌وت به‌ نێردراوی‌ توركیا له‌ عێراق موراد ئۆزجه‌لیك‌و له‌ كۆبونه‌وه‌یه‌كدا ته‌ئكیدیان له‌ زه‌روره‌تی‌ پته‌وكردنی‌ په‌یوه‌ندییه‌كانی‌ نێوان هه‌ردوو وڵات كرده‌وه‌ كه‌ ره‌گ‌و ریشه‌یه‌كی‌ مێژوویی‌‌و ئایینی‌ هه‌ردوو گه‌لی‌ دۆست به‌یكه‌وه‌ ده‌به‌ستێته‌وه‌”.
به‌یاننامه‌كه‌ ئاماژه‌شیداوه‌ به‌وه‌ی‌ كه‌ له‌و كۆبونه‌وه‌یه‌دا باس له‌ بایه‌خی‌ فراوانكردكردنی‌ ئاسۆكانی‌ هاریكاریی‌ هه‌ردولا كراوه‌توه‌ له‌سه‌ر هه‌موو ئاسته‌كاندا.
به‌یاننامه‌كه‌ له‌سه‌ر زاری‌ ئۆزجه‌لیك بڵاویكردۆته‌وه‌ كه‌ “خه‌م‌و په‌ژاره‌ی‌ گه‌ل‌و حكومه‌تی‌ توركیا بۆ قوربانیانی‌ ته‌قینه‌وه‌كان دوپاتكردۆته‌وه‌‌و سه‌ره‌خۆشی‌ له‌ تاڵه‌بانی‌ كردووه‌ به‌بۆنه‌ی‌ كۆچی‌ دوایی‌ سه‌رۆكی‌ ئه‌نجومه‌نی‌ باڵای‌ ئیسلامی‌ عێراقی‌ عه‌بدولعه‌زیز ئه‌لحه‌كیم”.
روونیشیكردۆته‌وه‌ كه‌ ئۆزجه‌لیك “هاوكاری‌ وڵاته‌كه‌ی‌ دوپاتكردۆته‌وه‌ بۆ پرۆسه‌ی‌ سیاسیی‌ عێراق‌و هه‌وڵه‌كانی‌ تاڵه‌بانیشی‌ به‌رز نرخاندووه‌ له‌ چاڵاككردنی‌ په‌یوه‌ندییه‌ هاریكارییه‌كانی‌ نێوان هه‌ردولا، به‌شێوه‌یه‌ك كه‌ له‌به‌رژوه‌ندی‌ هه‌ردوو وڵاتدایه‌”.
له‌ ئه‌سوات عێراقه‌وه‌

............

ئه‌ندامێكی‌ مه‌كته‌بی‌ سیاسی‌ یه‌كگرتووی‌ ئیسلامی‌ كوردستان، شه‌وی‌ شه‌ممه‌، وتی‌ تائێستا به‌هێزترین ئیختیار لای‌ سه‌ركردایه‌تی‌ حیزبه‌كه‌ی‌ به‌شدارینه‌كردنه‌ له‌ حكومه‌تی‌ كوردستان‌و به‌یه‌ك لیست دابه‌زینه‌ له‌هه‌ڵبژاردنی‌ په‌رله‌مانی‌ عێراقدا. هیوای‌ میرزا سابیر به‌ ئاژانسی‌ (ئه‌سوات ئه‌لعیراق)ی‌ وت حیزبه‌كه‌ی‌ ئه‌مرۆ (شه‌ممه‌) كۆبونه‌وه‌ی‌ مه‌كته‌بی‌ سیاسی‌ ئه‌نجامداو زۆرینه‌ی‌ ئه‌ندامانی‌ مه‌كته‌بی‌ سیاسی‌ به‌ره‌و ئاراسته‌یه‌ قسه‌یان ده‌كرد كه‌به‌شداری‌ حكومه‌تی‌ ئاینده‌ی‌ هه‌رێمی‌ كوردستان نه‌كه‌ین‌و وه‌ك ئۆپۆزسێۆن له‌ناو په‌رله‌مانی‌ كوردستان بمێنێنه‌وه‌ “گه‌رچی‌ ئه‌و پرسه‌ لای‌ مه‌كته‌بی‌ سیاسی‌ یه‌كلانه‌بووه‌وه‌و هه‌ڵگیرا بۆ كۆبونه‌وه‌كانی‌ ئاینده‌مان”. سه‌باره‌ت به‌شداریكردنیان له‌پرۆسه‌ی‌ هه‌ڵبژاردنه‌كانی‌ عێراقدا، رونیكرده‌وه‌”به‌باشی‌ ده‌زانین یه‌كگرتووی‌ ئیسلامی‌ كوردستان به‌ یه‌ك لیست به‌شداری‌ بكات، زۆربه‌ی‌ خیاره‌كانیش به‌ره‌و ئه‌و ئاراسته‌یه‌ هه‌نگاو ده‌نێت”. هیوای‌ میرزا سابیر هۆكاری‌ به‌شدارینه‌كردن له‌حكومه‌تی‌ هه‌رێمی‌ كوردستان‌و به‌یه‌ك لیست دابه‌زینیان له‌هه‌ڵبژاردنی‌ په‌رله‌مانی‌ عێراق بۆ ئه‌وه‌گه‌رانده‌وه‌ كه‌”به‌رژه‌وه‌ندییه‌كانی‌ كوردستان واده‌خوازێت‌و ده‌بێت ئێمه‌ش به‌پێی‌ به‌رژه‌وه‌ندییه‌كانی‌ میلله‌ته‌كه‌مان بجوڵێننه‌وه‌”. یه‌كگرتووی‌ ئیسلامی‌ كوردستان له‌هه‌ڵبژاردنه‌كانی‌ ساڵی 2005 ی‌ په‌رله‌مانی‌ عێراق به‌یه‌ك لیست دابه‌زی‌‌و چوار كورسی‌ په‌رله‌مانی‌ عێراقی‌ له‌ كۆی‌ 275 كورسی‌ به‌ده‌ستبهێنا، له‌ هه‌ڵبژاردنی‌ ئه‌مجاره‌ی‌ په‌رله‌مانی‌ كوردستانیشدا له‌گه‌ڵ كۆمه‌ڵی‌ ئیسلامی‌‌و حزبی‌ سۆسیالیست‌و ئاینده‌/ قادر عه‌زیز به‌یه‌ك لیست دابه‌زین‌و پێكه‌وه‌ 13 كورسییان له‌ كۆی‌ 111 كورسی‌ په‌رله‌مانی‌ كوردستان به‌ده‌ستهێنا.